Nýsköpunarsjóður atvinnulifsins

Nýsköpunarsjóður keypti nýverið aukinn hlut í  Auris ehf. og á nú um 20%  eignarhlut í félaginu. Frumkvöðullinn, Guðrún Sæmundsdóttir, er stærsti einstaki hluthafinn  Í Auris með 31% eignarhlut. 

Auris ehf. hefur unnið síðan 2000 að þróun á nýju lyfi til útvortis notkunar gegn bráðri miðeyrnabólgu. Viðskiptahugmyndin felur í sér notkun velþekkts bakteríudrepandi efnis sem komið er fyrir í sérhönnuðum eyrnatöppum, sem komið er fyrir í ytra eyra. Meðferðinni er ætlað að koma í stað hefðbundinnar sýklalyfjameðferðar. Þekkt er að sýklalyfjameðferðin getur haft aukaverkanir og einnig stuðlað að sýklalyfjaofnæmi við endurtekna notkun þeirra. Því er mikil þörf innan heilbrigðiskerfisins á öðru meðferðarúrræði.